ВИДЕО: Ле Авр го одложи шампионското славје на ПСЖ
Водечкиот тим на табелата во францускиот фудбалски шампионат ПСЖ извлече само бод на гостувањето кај Ле Авр, екипа која се бори за опстанок во лигата. Резултатот на крајот на натпреварот беше 3:3.
Андре Ају, Абдулаје Туре и Кристофер Опери погодија за гостите, а Ахраф Хакими, Бредли Баркола и Гонкало Рамос реализираа за ПСЖ.
ПСЖ излезе на терен во комбиниран тим, а најголемата ѕвезда на клубот Килијан Мбапе се појави дури во вториот дел, кога влезе од клупата.
Тимот на Луис Енрике има 12 бода предност пред Монако и оди кон уште една шампионска титула. Парижаните против Ле Авр можеа да ја обезбедат титулата во „Лига 1“, но за тоа им беше потребна победа која на крајот не ја остварија.
На 1 мај, ПСЖ ќе го игра првиот натпревар од полуфиналето на Лигата на шампионите, гостувајќи кај Борусија Дортмунд.