Фудбалерите на Челси одиграа нерешено со Астон Вила во натпреварот од 35 коло во Премиер лигата со 2:2.

Марк Кукуреља со автогол во четвртата минута им донесе предност на домаќините на Вила Парк, а Морган Роџерс го удвои водството по додавањето на Мети Кеш во 42 минута.

Помеѓу тие два гола, еден беше поништен за Челси, па Николас Џексон во 16 минута немаше среќа да се запише во листата на стрелците.

Челси сепак успеа да израмни во продолжението. Најпрвин Нони Мадуеке погоди во 62 минута, а Конор Галагер во 81 минута го постави конечниот епилог.

Многу жолти картони, тензија, влегувањето на Аксел Дисаси во 90 минута наместо повредениот Тијаго Силва и неговиот поништен гол во 95 минута, меѓу другото, го продолжи мечот за 10 минути, по што ниту една екипа не го промени исходот.

Челси има 48 бодови на деветтото место на табелата во Премиер лигата, додека Астон Вила остана на четвртото место со 67 бодови, седум повеќе од петтопласираниот Тотенхем.