ВИДЕО | „Изгубив сѐ“: Изгоре домот на Мигел Еран од „La Casa De Papel“
Шпанскиот актер Мигел Еран, познат по својата улога во серијата „La Casa De Papel“, останал без својот дом во градот Авила. Имено, тој споделил и снимка од пожарот кој се случил во неговиот стан, а за да се спаси, морал да скокне низ прозорецот во спалната соба, објави „Daily Mail“.
Ѕвездата на популарната серија на Нетфликс бил апсолутно скршен од глетката во неговиот уништен дом.
„Не ми се верува“, повторувал актерот, снимајќи ја штетата по пожарот.
Подоцна, 25-годишниот актер раскажал дека пожарот во неговиот дом избил во текот на ноќта и дека го разбудиле чудните звуци предизвикани од пожарот. Додека пожарникарите го гаснеле огнот, Мигел открил и дека останал без поголемиот дел од своите работи.
„Ви благодарам на сите, особено на пожарникарите во Авила и сигурносната служба во мојата зграда“, изјавил тој.
Сѐ уште не се знае причината поради кој настанал пожарот во домот на актерот.