ВИДЕО | Попушти предното тркало на авион во Франкфурт, има повредени
Патнички авион „Боинг 787“, управуван од авиокомпанијата „Луфтханза“, доживеа колапс во предниот дел додека беше паркиран на излезната порта на аеродромот во Франкфурт, пишува Дојче веле.
Препорачано
Од „Луфтханза“ соопштија дека во инцидентот биле повредени неколку вработени. Патниците сè уште не биле качени во авионот кој требало да лета за Лос Анџелес.
Following a gear collapse at the gate in Frankfurt, Lufthansa 787-9 D-ABPQ has been significantly damaged. Today’s LH450 has been canceled. We are awaiting more information on any potential injuries. pic.twitter.com/FTBK4m2WyS
— Flightradar24 (@flightradar24) June 4, 2026
„Неколку вработени се повредени и во моментов им се укажува медицинска помош“, соопшти „Луфтханза“.
Германскиот национален авиопревозник наведе дека инцидентот во кој бил вклучен „Боинг дримлајнер“ се случил околу 12:45 часот.
Портпарол на „Луфтханза“ изјави дека „предниот дел на авионот неочекувано се повлекол“.
Тој додаде дека на местото на настанот се наоѓаат техничари и помошен персонал, како и дека во соработка со надлежните власти е во тек истрага за точните околности на инцидентот.
