Поранешниот шпански репрезентативец и играч на Реал Мадрид, Иско (31) си најде нов фудбалски клуб. По пауза од шест месеци, овој фудбалер ќе игра за Реал Бетис.

Иско доживеа прилично голем пад во кариерата откако во август 2022 година како слободен играч се пресели во Севиља, а не остана долго ниту во овој клуб. Тој остана четири месеци, пред да го напушти клубот и да стане слободен агент.

Иско ја чекаше својата шанса, имаше интереси од разни страни, но трпеливо чекаше.

Во текот на кариерата 38 пати го носеше дресот на шпанската репрезентација и постигна 12 гола.

Најголемите успеси ги имаше со Реал Мадрид со кој трипати ја освои „Ла Лига“ и петпати Лигата на шампионите. Пред да се пресели на „Бернабеу“ го носеше и дресот на Валенсија и Малага.

⚔🛡🐺

I pledge my life and honor to Real Betis Balompié's watch, for this night and all the nights to come. pic.twitter.com/ASKcTj9Dd5

— Real Betis Balompié (@RealBetis_en) July 26, 2023