ВИДЕО ИНТЕРВЈУ Стево Костовски, секретар на Боксерската федерација на Македонија: На „Златен гонг“ ќе се претставиме со огромен квалитет
Забрзано се подготвуваме за 51. издание на традиционалната спортска манифестација „Златен гонг“, а веќе сега може да потврдиме дека на публиката ќе ѝ претставиме огромен квалитет, посочи Стево Костовски, секретар на Боксерската федерација на Македонија, во интервјуто за Слободна ТВ.
Костовски во интервјуто откри и неколку детали поврзани со организацијата на „Златниот гонг“, како и за активностите на македонските боксери во наредниот период.
– Годинава ќе видиме во живо боксери од земји кои досега не настапиле на нашиот турнир, па ќе имаме претставници на Еритреја, Шкотска и некои други држави коишто досега не настапиле на „Златен гонг“. Инаку претсојниот период е мошне активен за нашите боксери, кои ќе настапат на повеќе турнири. Секако тука е и регионалната лига, во која ние сме претставени преку тимот на Вардар – вели Костовски.
Костовски, кој најголемиот дел од професионалната кариера ја посвети на спортското новинарство, се осврна со своја проценка и за наредното светско фудбалско првенство, кое наредниот месец ќе стартува во Катар. Неговото присуство во студиото го искористивме и за куса оценка на мотоспорот, секако алудирајќи на фактот дека тој во младоста беше еден од најпопуларните возачи на спортските трки во Македонија.
Во продолжение погледнето го целото интервју.