Градоначалникот на белгискиот град Антверпен, Барт Де Вевер, лидер на сепаратистичката Нова фламанска алијанса и еден од најмоќните политичари во Белгија, ја започна новата година со непријатност.

Како што и самиот рече, тој никогаш нема да го заборави моментот кога новинарката на Радио 2, Ким Дебри , која го водеше новогодишното интервју  го „улови“ дека не носи панталони. 

– Носите многу убава кошула, веројатно ја избравте специјално за нас. Но, под кошулата, дали сте во долна облека, го праша новинарката  за време на онлајн интервјуто.

Де Вевер прво изненадено ја праша новинарката како го забележала тоа, но во следниот момент сфати колку е „разоткриен“.

– Не забележав … Мојата година започнува со овој срамен момент што долго ќе го паметам, рече градоначалникот без панталони.