ВИДЕО I Професор доктор Александра Грозданова: Имаме конкретна шема за дистрибуција и аплицирање на вакцините низ државава
Вакцините се чуваат на Институот за трансфузиологија во специјално наменети фижидери. Обезбеден е комплетно ладен ланец и потврдено е комплетното запазување на сите безбедносни аспекти за дистрибуција и чување на ваквите вакцини. Има стандардна оперативна процедура за што нашите колеги беа обучени. Процедурите се јасно дефинирани и комплетно, без проблем, се одвиваат, изјави претседателка на Комитетот за имунизација, професор доктор Александра Грозданова во „Утрински брифинг“.
– Имаме комплетен план за дистрибуција во нашата држава. Овие вакцини, по одмрзнувањето од -70 степени, во период меѓу два до пет дена стојат на температура од 2 до 8 степени, а такви фрижидери има низ сите Здравствени домови каде ќе се одвива вакцинацијата. Во моментот вакцинираме само во модуларната болница на Инфективната клиника во Скопје поради еден практичен аспект – имаме ограничен број на вакцини и поради тоа што на ваков начин обезбедување едно многу детално планирање на самиот процес на вакцинација. Кога ќе имаме поголеми количини, направена е конкретна шема за дистрибуција и вакцинација, додаде докторка Грозданова.
Целиот разговор со професор доктор Александра Гроздановска може да го погледнете во видеото