Фудбалерите на Интер со голем пресврт славеа победа против Комо во реваншот од полуфиналето од италијанскиот куп со 3-2 и на тој начин се пласираа во финалето.

Натпреварот донесе одличен фудбал и шанси на двете страни, а резултатот го отвори Комо по половина час игра со голот на Батурина. Тоа беше и единствениот гол во првиот дел. Само што почна вториот дел Комо преку Де Куња дојде и до 2-0.

Но, Интер и во таква ситуација не се откажа. Вистинскиот потег тренерот Киву го направи со внесувањето на Хрватот, Петар Сучиќ во игра. Тој прво во 69-тата минута и 86-тата минута двапати му асистираше на Чалханоглу за 2-2.

Набрзо по вториот гол Сучиќ и сам се запиша во листата на стрелци, сега улогата на асистент ја имаше двојниот стрелец, Чалханоглу.

Во финалето Интер ќе игра против подобриоот од двомечот меѓу Аталанта и Лацио, реваншот се игра утре, а првиот дуел заврши без победник 2-2.