Репортерката на австралискиот „9Њуз“, Зариша Бредли,  ја сподели на социјалната мрежа Тик-ток својата хорор приказна за патувањето во Европа со нејзината пријателка Ер.

Презентерката открила во снимката на Тик-ток дека најпрво нејзината сопатничка Ел поради алергиска реакција итно била пренесена во болница во Италија, а одморот во Хрватска го поминале спиејќи на каучот, пишува „Дејли мејл“.

– Ел заврши во болница откако изеде кикиритки во ресторан во Италија, и покрај тоа што три пати му кажа на келнерот дека е алергична – рекла репортерката на снимката.

@zarishabradley Breaking news out of Europe #europe #australians ♬ original sound – Zarisha Bradley

По првичните проблеми, тие отпатувале за Хрватска каде ги дочекала нова пречка. Резервирале апартман за пет ноќевања, а кога стигнале сфатиле дека апартманот нема спална соба.

– Никогаш повеќе нема да ми дозволат да резервирам сместување. Резервирав апартман во Хрватска, но немаше спална соба, поради што бевме принудени да спиеме на каучот пет вечери на фестивалот – продолжила таа со својот говор.

Во описот на објавувањето на видеото стои: „Ударни вести од Европа“.

Зариша и Ел во текот на нивното патување ги посетиле и Грција и Дубаи.

Тоа доаѓа откако Зариша неодамна ги воодушеви обожавателите на Тик-ток споделувајќи хумористично видео за тоа што новинарите навистина мислат кога читаат вести.

Зариша често објавува видеа на Тик-ток каде што споделува приказни од својот професионален живот, па неодамна објави видео во кое објаснува зошто новинарите често ги користат фразите „наводно“ и „обвинет“ кога известуваат за судски случаи.