Кошаркарите на Сакраменто кингс ги победија Хјустон рокетс со 125:124 по едно продолжение во НБА лигата. Мотивираните Рокетс им се одмаздија на Денвер нагетс со 115:101, а два дена подоцна беа поразени на гостински терен од Сакраменто кингс.

Тимот од Тексас е на турнеја на Западот и се очекуваше дека нема да го дадат својот максимум во секој натпревар. Сакраменто кингс го искористија ова за да слават по продолжението.

Четири играчи во редовите на Кингс постигнаа над 20 поени – Дерозан 27, Мареј 26, Шредер 24 (10 асистенции) и Вестбрук 21 поен (13 скока).

Рокетс беа предводени, како што се очекуваше, од Алперен Шенгун со 28 и Кевин Дурант со 24 поени, 10 скока и осум асистенции.

Со 17 победи и девет порази, Хјустон е шести на Западот, а следните мечеви ќе ги одиграат во Лос Анџелес против Клиперс и Лејкерс. Кингс се на дното од конференцијата со седум победи, исто колку и Клиперс и Пеликанс, и се подготвуваат за доаѓањето на првиот тим на Истокот, Детроит пистонс.

НБА лига, резултати:

Атланта – Чикаго 150:152
Њујорк – Мајами 132:125
Бруклин – Торонто 96:81
Вашингтон – Сан Антонио 113:124
Минесота – Милвоки 103:100
Сакраменто – Хјустон 125:124 (112:112)