Ирански воен хеликоптер се урна денеска на пазар за овошје во централната покраина Исфахан, при што загинаа пилотот, копилотот и двајца трговци, соопштија државните медиуми, пренесува Ројтерс.

Хеликоптерот се урна во градот Дорче, предизвикувајќи пожар кој беше изгаснат од службите за итни случаи, се додава во извештаите.

A helicopter from the Iranian Army’s Aviation unit crashed Tuesday morning in the fruit and vegetable market area of Darcheh city in Khomeyni Shahr County, Isfahan Province, due to a technical malfunction, resulting in the deaths of the pilot, co-pilot, and two market vendors. pic.twitter.com/taiRD0FQSW

— Tasnim News Agency (@Tasnimnews_EN) February 24, 2026

Експертите велат дека Иран има слаба безбедност на воздухопловството, со повторени несреќи, од кои многу вклучуваат авиони купени пред Исламската револуција во 1979 година и на кои им недостасуваат оригинални резервни делови за одржување.

Минатата недела, борбен авион Ф-4 од американско производство, кој припаѓаше на редовните воздухопловни сили на Иран, се урна во западната покраина Хамадан, при што загина пилот за време на тренинг лет.