Градоначалникот на Бања Лука, Драшко Станивуковиќ, им забрани на сите сопственици на клубови да го ангажираат раперот Драгомир Деспиќ, познат како Десингерица. За секој кој ќе ја прекрши забраната, предвидена е казна од 50.000 до 100.000 конвертибилни марки (околу 25.000–50.000 евра).

 

View this post on Instagram

 

A post shared by Драшко Станивуковић (@draskostanivukovic)

Станивуковиќ првпат воведе забрана за настапи на Десингерица пред две години, а сега ја заостри мерката со конкретни казни за организаторите и изведувачот.

Градоначалникот ја образложи одлуката со објавени снимки од настапите на Десингерица, на кои се прикажува непристојно и агресивно однесување: плукање врз публиката, јадење над главите на присутните и шишање момчиња.

„Таквите изведувачи немаат место во нашата Бања Лука. Затоа, во случај некој да се обиде да злоупотреби јавни настани со вакво вулгарно, примитивно и насилничко однесување кон нашата младина, ќе бидат казнети со 50.000 до 100.000 КМ – и изведувачот и организаторот без исклучок“, порача Станивуковиќ.

Тој додаде и дека со дополнителни мерки како забрана на реалити програми, отстранување на обложувалници во близина на училишта и ограничување на користење на социјалните мрежи за деца под 15 години,  Десингерици и вакви луѓе повеќе нема да постојат. 

Раперот веќе се огласил за овие наводи дека лошо влијае на младите:

„Не знам зошто би влијаел негативно на децата. Затоа што заработувам пари? Затоа што имам жена и дете? Затоа што возам добар автомобил и живеам добро? Сакам моето дете да биде успешно како јас. Најважно е да имаш здрава фамилија, а јас ја имам. Туѓите деца не се мој проблем. Јас правам музика за возрасни. Родителот го воспитува своето дете како сака. Тоа не е моја улога“, изјавил Драгомир.