Голем пожар избувна рано утрово во индустриската зона во Нови Пазар, Србија, пожарот зафати магацин со ткаенини, а се шири кон градската топлана, објави денеска РТВ.

Како што е наведено, според последните информации од терен, пожарот започнал во нов магацин, кој содржел екстремно запаливи ткаенини за мебел, што предизвикал пожарот брзо да се разгори.

Како засилување пристигнале две противпожарни екипи од Крагуевац, како и уште една екипа од Краљево, јавува Танјуг.

Сите расположливи сили се распоредени на критичните точки со цел да се спречи понатамошно ширење на пожарот кон инфраструктурно важни објекти.

Нема информации за жртви, а материјалната штета е огромна.

Причината за пожарот засега е непозната.

 

View this post on Instagram

 

A post shared by RTV Novi Pazar (@rtv_novi_pazar)