Кошаркарите на Голден Стејт вориорс дојдоа на чекор до титулата во НБА лигата откако со победата од 104:94 во петтиот натревар во големото финале поведоа со 3:2 во победи против Бостон селтикс.

Стеф Кари не беше во елеент, за прв пат во кариерата не успеа да постигне тројка во плеј-оф натпревар, ги промаши сите девет шута со што ја прекина серијата од 132 натпревари во плеј-офот на кои постигнал барем една тројка.

„Воините“ имаа слаб шут за три поени, погодија само девет шута од 30 обиди, но до победата дојдоа со одлична игра во одбраната. Во „отсуство“ на Кер, предводник на Голден Стејт беше Ендрју Вигинс кој имаше дабл-дабл од 26 поени и 12 скокови. Добра партија прикажа Клеј Томпсон со 21 поен, додека Кари натпреварот го заврши со 16 поени.

Најдобри кај Бостон беа Џејсон Тејтум со 27 поени и 10 скокови и Маркус Смарт со 20 постигнати поени.
Шестиот натпревар од финалето ќе се игра во ноќта помеѓу четврток и петок во 3 часот.