Српскиот јутјубер Богдан Илиќ, попознат како Бака Прасе ги шокира сите со своето однесување откако синоќа изгоре неговиот џип вреден околу 500.000 евра, објавија српските медиуми.

Бака денеска позираше во ресторан наздравувајќи со ракија и не отстранувајќи ја насмевката.

„Го прославувам првиот запален автомобил“, напиша тој во описот на фотографијата.

Екипата на „Блиц“ ја посетила елитната населба каде што живее Бака Прасе, а пред зградата, на паркингот, наишле на гаража, уништени автомобили и стакло насекаде.

Ултраскапиот џип на Бака Прасе бил паркиран на место резервирано за лица со попреченост.

Тој изјави дека неговиот автомобил бил запален „затоа што не платил рекет“, но не откри кој му барал пари.