ВИДЕО: Елмас победник во „квизот“ на Наполи – колку добро ги познаваш соиграчите?
Најдобрата македонска репрезентација го заврши настапот на Европското првенство, а играчите овој период го користат за одмор пред да се им вратат на клупските обврски и подготовките за следната натпреварувачка сезона.
Елиф Елмас, една од нашите најголеми фудбалски надежи исто така беше дел од континенталниот собир, а после крајот на репрезентативната кариера на Горан Пандев, очекуваме „Дијамантот“ да биде еден од главните лидери во националниот тим во следните предизвици, а тие ќе продолжат во септември со натпреварите од квалификациите за Светското првенство Катар 2022.
Денеска неговиот клуб Наполи објави едно интересно видео, во кое ги тестира своите играчи преку еден квиз: „Колку добро ги познаваш соиграчите“?
Поделени во парови, Елмас со Виктор Осимхен, Алекс Мерет со Џовани Ди Лоренцо, а Давид Оспина со Ирвинг Лозано.
View this post on Instagram
Победници на крајот беа Елмас и Осимхен, македонскиот репрезентативец најдобро погодуваше, за тоа кој го има средното име Себастијан (Пјотр Зиелински), кој има тетоважа на „Мики Маус“ (Лоренцо Инсиње), најомилен тенисер му е Новак Ѓоковиќ (Никола Максимовиќ), кој сака да чита (Калиду Кулибали), чие е кучето на Миа (Пјотр Себастијан Зиелински), неговото име значи „дијамант“ (Елиф Елмас)..
Соиграчите не можеа да поверуваат на крајот дека Елмас победи, особено не можеше да поверува голманот Мерет…