ВИДЕО: Елмас од клупата го гледаше пресвртот на Наполи!
Во рамките од 11 коло во најсилното италијанско првенство екипата на Наполи со 2:1 славеше против Сампдорија.
После првото полувреме водеа гостите со голот на чешкиот интернационалец Јанкто во 20 минута од средбата на стадионот „Диего Армандо Марадона“.
Во вториот дел играчите на тренерот Џенаро Гатузо го направија целосниот пресврт, односно резервите ја направија разликата на теренот. Лозано и Петања се погрижија за три важни бода, додека македонскиот репрезентативец Елиф Елмас не доби шанса од клупата.
После третата победа (осма сезонава во Серија А) „наполитанците“ се на третата позиција со 23 бодови, еден помалку зад второпласираниот Интер, додека на врвот е Милан (26).
За три дена Наполи го очекува голем предизвик, на стадионот „Џузепе Меаца“ во Милано му гостува на Интер. Денеска се одиграа уште две средби, Аталанта со 3:0 ја надигра Фиорентина, а Рома блескаше на гостувањето кај Болоња (1:5).