ВИДЕО: Интер се спаси од нов срам во Серија А!
Миланските „неро-аѕури“ стигнаа до четвртата победа по ред во најсилното италијанско првенство откако денеска во 11 коло славеа после пресврт на гостувањето во Сардинија против Каљари (3:1).
Тренерот Антонио Конте после раната елиминација од меѓународните настапи сезонава беше можеби многу блиску да се соочи и со отказ, но за негова среќа играчите го спасија со важен триумф во Серија А.
Во 42 минута стрелаше Сотил за водство на домаќините, а пресвртот се случи во последните 18 минути од мечот.
Трите бода за гостите ги донесоа Барела, Д`Амброзио и Лукаку за вкупно седма победа во првенството и второ место со 24 бодови, два помалку од водечкиот Милан кој својот меч ќе го има денеска на домашен терен против Парма.
Од 15.00 часот играат Аталанта-Фиорентина, Болоња-Рома и Наполи-Сампдорија, а од 18.00 часот Џенова и Јувентус.