ВИДЕО: Дурент играше, па доби исклучување поради здравствените протоколи!

epa08947600 Brooklyn Nets guard James Harden (L) and teammate Brooklyn Nets forward Kevin Durant (R) high-five in center court during game action against the Milwaukee Bucks in the second half of the NBA basketball game between the Brooklyn Nets and the Milwaukee Bucks at the Barclays Center in Brooklyn, New York, USA, 18 January 2021. EPA-EFE/JASON SZENES EPA-EFE/JASON SZENES SHUTTERSTOCK OUT

НБА лигата веќе се етаблираше како една од најдобрите спортски организации кога е во прашање борбата против коронавирусот, но од време на време се појавуваат неверојатни ситуации и во ова натпреварување.

Доцна синоќа бевме сведоци како еден играч мораше да биде отстранет од теренот поради безбедносните протоколи. И тоа не било кој играч, туку една од најголемите НБА ѕвезди, Кевин Дурент.

Дурент одигра нешто повеќе од 19 минути на дуелот помеѓу Торонто и Бруклин, но беше испратен во соблекувалната на почетокот од третата четвртина.

Причината за тоа е што тој беше во контакт со лице кое имаше неуспешен тест на коронавирус и мораше да се повтори.

Кога резултатот стигна и беше позитивен, натпреварот веќе беше започнат, а поради безбедносните протоколи, Кеј Ди не можеше да го продолжи истиот и покрај тоа што во последните 24 часа беше трипати негативно тестиран.

До тој момент имаше осум поени (3-8 од игра), шест скока и пет асистенции, и очекувано не беше задоволен од одлуката дека мора предвреме да го напушти теренот.

Нетс така останаа ослабени, а тоа на крајот го искористи Торонто за победа од 123:117. Во соопштението на НБА се вели дека сега ќе се утврди дали Дурент бил во близок контакт со заразено лице или не.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот