ВИДЕО: Димитријевиќ е најдобар стрелец во февруарскиот „прозорец“ на ФИБА
И на вториот меч од квалификациите за пласман на Евробаскетот во 2025 година, Ненад Димитријевиќ ја покажа својата врвна класа. И статистички македонскиот репрезентативец дека во овој момент е еден од најдобрите бекови кои играат на европскиот континент.
Ја потврди и во репрезентативниот дрес и на гостувањето во Сосновиец, каде постигна 32 поени, плус додаде и по осум скока и исто толку асистенции.
Она што импресионира е фактот дека по првите два натпревари, против Естонија и Полска, македонскиот бек е најдобриот стрелец во квалификациите за Евробаскет 2025 година.
Има вкупно 57 поени, кои ги реализираше за 35,1 минути поминати на теренот. Димитријевиќ има просек од 28,5 поени, на двата одиграни натпревари. На оваа листа на најдобрите поентери е пред Словенецот Клемен Препелиќ, кој е на второто место, додека пак третата позиција му припаѓа на Торнике Шенгелија од Грузија.
Она што исто така може да радува е брзата „аклиматизација“ на Етан Хап во нашиот репрезентативен состав. Силното крило на шпанската Гран Канарија исто така имаше одлични перформанси против Естонците и Полјаците. И во овој момент новиот Американец во македонскиот дрес е најдобар блокер во квалификациите, има пет блокади, исто колку што реализираше и Тригви Хлинасон од Исланд.