Црвена звезда продолжува да игра во фантастична форма во Евролигата и во овој момент изгледа како најсилниот тим во натпреварувањето, вечерва тоа најдобро го почувствува актуелниот европски првак Панатинаикос.

Во преполната сала во Белград, „црвено-белите“ одиграа феноменален меч и славеа убедлива победа со 86:68. Иако резултатот изгледа пристојно, тој не ја одразува целосно доминацијата на Звезда, која во првите три четвртини буквално го прегази грчкиот гигант. На почетокот од последниот период домаќините имаа и неверојатни 28 поени предност (70:42).

Панатинаикос успеа делумно да го ублажи поразот откако Кендрик Нан ја доби петтата лична грешка и мораше на клупа, без него гостите направија серија од 19:4, но тоа беше недоволно за нешто повеќе. Треба да се напомене дека грчкиот тим во Белград ослабени, без ниту еден класичен центар поради повреди.

Со оваа победа, седма по ред, Црвена звезда се искачи на врвот на табелата во Евролигата, барем привремено, додека не се одигра дуелот меѓу Жалгирис и Валенсија во петок.

Преземено од: Спорт.ком.мк