Четиринаесет луѓе се повредени откако еден од ескалаторите на метро станица во Јужна Кореја ненадејно почнал да се движи наназад, газејќи ги патниците.

Според новинската агенција „Јонхап“, тешката несреќа се случила во 8:20 часот на метро станицата Сунае на линијата Бунданг (област јужно од Сеул).

Video shows the upwards escalator leading to exit 2 of Sunae Station on Bundang Line reversing suddenly and going backward for several seconds, on Thursday.

3 people were sent to a hospital after sustaining injuries on the back and legs. 11 others sustained minor injuries. https://t.co/H3gvUoiByi pic.twitter.com/gZ49v9x08W

— The Korea Times (@koreatimescokr) June 8, 2023

Одеднаш, ескалаторот свртен нагоре почнал да се движи надолу, што траело неколку секунди, според локалната полиција и пожарникарските власти.

Тројца од патниците кои биле на скалите кога се случил инцидентот биле пренесени во болница со повреди на грбот и ногата. Уште 11 лица се полесно повредени, им била укажана прва помош и заминале.

Локалните власти ги истражувале причините за инцидентот, но – како што изјавија нивните претставници – не сметаат дека е многу веројатно некој да се меша во системот за рачна контрола и намерно да го смени правецот на ескалаторот.