ВИДЕО | Чао Пике: Шакира постави „вештерка“ на балконот кој гледа кон куќата на поранешната свекрва
Се чини дека „војната“ меѓу колумбиската пејачка Шакира и нејзиниот поранешен партнер, шпанскиот фудбалер Жерар Пике не престанува, пишува „Дејли мејл“.
Имено, Шакира поставила „застрашувачка кукла во форма на вештерка“ на балконот од нејзиниот дом во Барселона, кој гледа кон куќата на нејзината поранешна свекрва Монсерат Бернабеу.
Shakira ha estado escuchando su sesión de BZRP en bucle hoy, donde también hay una bruja en el balcón que señala la casa de su ex suegra… pic.twitter.com/cnWeqmBW3h
— Mateu Alemany Font (@MPadremanyFont) January 14, 2023
Пејачката во четвртокот објави нова песна во која отворено ги критикува Пике и неговата нова девојка Клара Чиа Марти, со која имал афера речиси две години и ја изневерувал Шакира.
„Ме остави како сосетка на свекрвата, со новинари пред вратата и со долгови во трезорот. Мислеше дека ме повреди, но јас се вратив посилна. Жените веќе не плачат, жените наплаќаат…
…Вредам како две 22-годишни. Смени Ферари за Твинго, смени Ролекс за Касио“, се дел од стиховите во новата песна на Шакира.
Пике ѝ одговори: „’Касио’ е мојот нов спонзор“
Но, и Пике не ѝ остана должен на Шакира и ѝ ја исмеа новата песна, која за само три дена успеа да собере 109 милиони прегледи на платформата Јутјуб.
Имено, за време на една емисија во рамки на неговата виртуелна лига „Кингс лиг“, Пике иронично изјави дека има нова соработка со компанијата за часовници „Касио“, алудирајќи на стиховите од новата песна на Шакира.
„Имам големо известување. ‘Касио’ ни подари часовници и потпишавме договор со нив“, рече Пике.
„Се шегуваш, нели?“, го праша еден од гостите.
„Не, не – озбилен сум. На сите ни испратија по еден часовник“, му одговори шпанскиот фудбалер.
„И, зошто ѝ се придружи на ‘Касио’?“, праша друг соговорник.
„Поради песната на Шакира“, одговори поранешниот аргентински фудбалери Серхио Агуеро, по што сите во студиото се насмеаа.
Повеќе на темата:
Шакира е скршена: Љубовницата на Пике им спиела во семејниот дом уште во 2021 година
Романтична прошетка на Пике и новата девојка, за која вели дека е „поразбирлива“ од Шакира
Шакира за разделбата со Пике: Ова е најмрачниот период од мојот живот