ФОТО | Романтична прошетка на Пике и новата девојка, за која вели дека е „поразбирлива“ од Шакира
Шпанскиот фудбалер Жерар Пике и неговата нова девојка Клара Чиа биле забележани на вечерна прошетка, откако уживале во романтична вечера во јапонски ресторан, пишува „Дејли мејл“.
Имено, фудбалерот (35) бил виден како се држи за рака со младата студентка по односи со јавноста (23), џентлментски ѝ ја држел чантата и ѝ помогнал да си ги намести чорапите.
Ова е нивно прво појавување во јавноста, откако Пике ги потпиша документите со кои ѝ отстапи целосно старателство на Шакира над синовите Милан и Саша со што таа ќе може да се пресели во Мајами.
Повикувајќи се на изјава на пријатели блиски до Пике и Клара, шпанските медиуми пишуваат дека фудбалерот ја заменил Шакира со новата девојка бидејќи таа е многу „поразбирлива“ од колумбиската пејачка и дека „не се однесува како дива“.
Како потсетување, Шакира и Пике беа заедно од 2011 година и имаат две деца – деветгодишниот Милан и седумгодишниот Саша.
Веста за нивното разделување ја споделија во јуни годинава, со официјално соопштение објавено од нејзината агенција.
„За жал, потврдуваме дека нашите патишта се разделуваат. За доброто на нашите деца, кои се наш најголем приоритет, бараме да ја почитувате нашата приватност“, стоеше во нивното соопштение.