ВИДЕО | БУКУРЕШТ ГОРИ: Градот обоен во црвено и жолто, Македонците се подготвуваат за денешниот натпревар против Украина!

Попладнево со почеток од 15 часот, македонската фудбалска репрезентација го игра вториот натпревар од групата Ц на Европското првенство, овојпат против Украина. Букурешт е буквално обоен во црвено и жолто, додека македонските навивачи пејат и возбудено го чекаат овој особено битен натпревар кој ќе се одигра на Националната арена во романската престолнина.

Македонскиот селектор Игор Ангеловски на вчерашната официјална прес-конференција уште еднаш потенцира дека нашата репрезентацијаденеска ќе го одигра „најважниот натпревар во кариерата“.

Игор Ангеловски / Фото: EPA-EFE/ROBERT GHEMENT

– Дојдовме на ЕУРО со цел да се пласираме во втората фаза и таа фаза за нас е активна. Имаме пред нас ривал кој исто така има нула бодови, што значи дека ова за нас е финале. И да не успееме нема да биде трагедија, а нормално дека ќе дадеме се од себе. Украинците се квалитетни, тоа го покажаа и против Холандија. Имаат одлични индивидуалци, но и ние имаме квалитет и покажавме дека можеме да се носиме со сите, рече селекторот Ангеловски.

Последен тренинг утринава на македонската фудбалска репрезентација во Букурешт пред мечот против Украина / 17 Jуни 2021 / Фото: EPA-EFE/ROBERT GHEMENT

Во продолжение, погледнете како изгледа во моментов романската престолнина:

Видео на денот