ВИДЕО | Букер со тројка во последната секунда го урна шампионот Оклахома
Кошаркарите на Феникс санс го победија бранителот на титулата во НБА лигата Оклахома сити тандер со 108:105 со тројка на Девин Букер во последните секунди од натпреварот.
Препорачано
Феникс успеа да се врати од негатива од 18 поени на домашен терен. Иако гостите имаа водство од 100:94 на четири минути до крајот на мечот, Санс направија серија од осум поени за да дојдат до пресврт и да направат драматична завршница.
Топката отиде кај првата ѕвезда на Феникс, Девин Букер, во последниот напад од регуларниот дел. Успеа да постигне тројка преку двајца играчи на Оклахома, по што останаа неколку десетинки од секундата до крајот, недоволно за Оклахома да направи нешто значајно.
DEVIN BOOKER HITS THE TRIPLE AND WINS IT FOR THE SUNS 🚨
PHOENIX COMPLETES THE 18-PT COMEBACK TO DEFEAT THE THUNDER! pic.twitter.com/JNPazjMXTz
— NBA (@NBA) January 5, 2026
Санс беа предводени од Џош Гудвин со 26 поени, Букер, кој ја донесе победата, имаше 24 поени и девет асистенции, а Дилон Брукс 22 поени. Шеј Гилџес-Александар запиша 25 поени, а Џејлен Вилијамс 23.
Оклахома останува на врвот во Западната конференција со учинок од 30-6, додека Феникс е на седмото место (21-15).
НБА лига, резултати:
Кливленд кавалирс – Детроит пистонс 110:114
Орландо меџик – Индијана пејсерс 135:127
Бруклин нетс – Денвер нагетс 127:115
Мајами хит – Њу Орлеанс пеликанс 125:106
Вашингтон визардс – Минесота тимбервулвс 115:141
Финикс санс – Оклахома сити тандер 108:105
Сакраменто кингс – Милвоки бакс 98:115
