ВИДЕО: Баерн моќно против Вердер, Кејн почна да ги тресе мрежите во Бундеслигата
Официјално стартуваше новата сезона во најсилната германска фудбалска лига, актуелниот шампион Баерн Минхен славеше убедливо на гостувањето кај Вердер со 0:4.
Уште во четвртата минута баварскиот гигант дојде во водство преку Сане по асистенцијата на новото големо засилување Кејн. Останатите три голови беа реализирани во текот на второто полувреме на „Весерстадион“ во Бремен.
За 0:2 во 74 минута од средбата се погрижи англискиот репрезентативец Кејн за негов прв гол во дебито во Бундеслигата.
Во 90 минута по вторпат во листата на стрелците се запиша Сане, а конечниот епилог го постави младиот 18-годишен напаѓач Тел (90+4`).
Во сабота и недела ќе се одиграат преостанатите дуели од првото коло: Аугсбург – Борусија Менхенгладбах, Баер Леверкузен – Лајпциг, Хофенхајм – Фрајбург, Штутгарт – Бохум, Волфсбург – Хајденхајм, Борусија Дортмунд – Келн, Унион Берлин – Мајнц и Ајнтрахт Франкфурт – Дармштад.
Harry Kane‘s first Bundesliga goal.
— Complaxes (@Complaxes) August 18, 2023