Авион на „Фронтиер ерлајнс“ удрил и усмртил пешак на пистата на Меѓународниот аеродром во Денвер додека се подготвувал за полетување вчеравечер. Инцидентот предизвикал краткотраен пожар во моторот, а сите 224 патници и членови на екипажот биле евакуирани од авионот, јавува Би-Би-Си.

Според соопштението на аеродромот до медиумите, човекот ја прескокнал надворешната ограда и само две минути подоцна се нашол на пистата, каде бил удрен од авионот.

Меѓународниот аеродром во Денвер  објави дека идентитетот на жртвата сè уште не е утврден, но се претпоставува дека не станува збор за вработен на аеродромот.

UPDATE: Footage from inside and outside the Frontier Airlines flight in Denver that struck and killed a person on the runway Friday night.

The person had reportedly jumped the fence and was crossing the runway when they were hit by the accelerating Airbus A321.

Twelve people on… https://t.co/ozTZwQsS1k pic.twitter.com/W1I7SCDhXu

— Paul A. Szypula 🇺🇸 (@Bubblebathgirl) May 9, 2026

По несреќата, противпожарната служба на Денвер брзо го изгаснала пожарот во моторот. Во кабината се појавил чад, па како мерка на претпазливост била наредена итна евакуација на сите патници од авионот.

Дванаесет патници пријавиле полесни повреди здобиени за време на инцидентот, а петмина од нив биле префрлени во блиските болници.

Пистата е затворена додека Федералната администрација за воздухопловство не спроведе истрага.