Фудбалерите на Арсенал ја продолжија победниичката серија во Премиер лигата и денеска го совладаа Лестер со 0:2 во рамките од 25. коло во најсилната англиска конкуренција.

Херој за избраниците на Микел Артета беше Микел Мерино кој на теренот влезе во последните 20-тина минути од средбата.

Мерино прво со глава одлично го искористи нафрлувањето од Енвавери, а потоа во 87. минута постигна нов гол по додавањето од Тросар.

Арсенал со овие три бода ја продолжи битката со Ливерпул кој е лидер со 57 бода и натпревар помалку, „топџиите“ имаат четири помалку.