Фудбалерите на Арсенал вечерва се пласираа во четвртфиналето на Лигата на шампионите по победата во реваншот од осминафиналната фаза од 2:0 над Баер Леверкузен на „Емирати“ стадионот во Лондон. По првиот натпревар во Германија резултатот во овој двомеч беше 1:1.

Првиот гол за англискиот клуб беше дело на Еберечи Езе кој испрати „проектил“ во 36 минута во мрежата на голманот Бласвих.

Баер мораше малку да се отвори во играта во второто полувреме и да продолжи напред, но тоа само остави повеќе простор за она што Арсенал го прави најдобро.

Прво, Ѓекереш шутираше од транзиција, но топката помина покрај стативата. Сепак, во 63 минута, Деклан Рајс ја прими топката на гради и од работ на шеснаесетникот стрелаше за недостижни 2:0.

Арсенал ќе се соочи со португалскиот Спортинг во четвртфиналето, откако претходно го елиминираше Бодо/Глимт од Норвешка.