Првите трофеи во новата тениска ВТА сезона ги освоија највисоко рангираната тенисерка во светот, Белорусинката Арина Сабаленка, и Украинката Елина Свитолина.

Сабаленка славеше над Марта Костјук – 6:4, 6:3 за шеста победа над Украинката во исто толку дуели и стана првата во историјата што стигна до трето последователно финале на ВТА 500 во Бризбејн, Австралија.

Таа славеше таму и во 2023 година, а минатата година беше поразена во финалето од Казахстанката Јелена Рибакина.

Сабаленка го освои својот 22 трофеј во кариерата и прв од Отвореното првенство на САД во 2025 година. Ова е нејзин шести трофеј во категоријата 500.

Свитолина дојде до пехарот на ВТА 250 турнирот во Окленд, Нов Зеланд, победувајќи ја 57 рангирана тенисерка Ксинју Ванг од Кина во финалето – 6:3, 7:6(6).

Ова е 19 трофеј во кариерата на Украинката и прв од април минатата година. Свитолина ја освои титулата на брза подлога за прв пат од август 2021 година. Нејзините последни седум трофеи доаѓаат од серијата 250.