ВИДЕО: Аргентинците го објавија првото интервју во животот на Меси
Аргентинецот одбележа една фудбалска ера, но и ера на Барселона каде ги собори сите рекорди, а денеска е член на ПСЖ. Како млад, Меси играше за Њуелс Олд Бојс од каде пристигна во Барселона на 14-годишна возраст.
Токму аргентинскиот клуб објави интересно видео на социјалните мрежи каде тогаш натпреварот го играше 13-годишниот Меси, а по мечот го имаше првото интервју во животот.
Видеото брзо стана хит на интернет, а фановите ги интересираше како изгледа првото дружење на младиот Меси со новинарите и камерите.
На тој натпревар во 1999 година, Меси го постигна вториот гол за Њуел Олд Бојс, а асистент беше Федерико Росо, играч кој најмногу кариерата ја изгради во Аргентина, но и играч кој дел од кариерата мина на Апенините во дресот на Бреша.
Меси одигра 520 натпревари во дресот на Барса, постигна 474 гола, додека за селекцијата на Аргентина запиша 156 настапи со 80 погодоци, а шест пати го освојуваше признанието „Златна топка“ за најдобар фудбалер на светот.
🎙️🐐 𝙏𝙝𝙚 𝙛𝙞𝙧𝙨𝙩 𝙬𝙤𝙧𝙙𝙨 𝙤𝙛 𝙖 𝙮𝙤𝙪𝙣𝙜 𝙂𝙊𝘼𝙏
A young Lionel Messi speaks after a goalscoring performance for Newell's Old Boys. This may be his first ever post-match interview. #Newells pic.twitter.com/wWI3o6kUZL
— Newell's Old Boys – English (@Newells_en) November 5, 2021
Во интервјуто не знаеше дека беше прогласен за најдобар играч на мечот, за вториот гол објасни дека топката дојде од Росо, Гриџини ја подаде до Лукас, Лукас ми ја подаде мене и јас реализирав. Голот го посветува дека на неговиот татко, неговиот вујко, до сето негово семејство, до сите луѓе кои го знаат.