ВИДЕО: Аргентина на два чекори од светската титула, крај за холандските „лалиња“
И второто четвртфинале на Светското првенство во Катар го одлучија пеналите, овој пат репрезентацијата на Аргентина беше подобра од Холандија. По регуларните 90 минути резултатот беше 2:2, немаше погодоци во продолженијата, а во пенал-серијата Аргентинците славеа со 4:3.
Во 35 минута „гаучосите“ поведоа преку Молина, а мајсторска асистенција имаше Меси. Токму играчот на ПСЖ се запиша и во листата на стрелците, односно беше сигурен од белата точка во 73 минута за зголемување на позитивата.
Semi-final spot: Secured 🔒✅#FIFAWorldCup | #Qatar2022 pic.twitter.com/CykqixSmZP
— FIFA World Cup (@FIFAWorldCup) December 9, 2022
Холандските „лалиња“ не се предаваа, успеаја да се изборат за продолженија најмногу благодарение на Вергхорст кој стрелаше во 83 минута и во последниот напад од слободен удар (90+11`).
Пенал серијата лошо ја започнаа играчите на Луј ван Гал, непрецизни беа ван Дајк и Бергхуис, а Меси и Паредес се погрижија за 2:0. Копмејнерс и Вегхорст беа поуспешни во дуелите со аргентинскиот голман, а на спротивната страна Монтиел беше сигурен, но не и Фернандез кој го промаши целиот гол.
Де Јонг израмни на 3:3, а Ноперт имаше за задача да го одбрани ударот на Лаутаро Мартинез, но тоа не се случи, сигурен беше играчот на Интер и го триумфот на „гаучосите“.
Аргентина во полуфиналето на 13 декември (вторник) со почеток од 20.00 часот ќе игра против Хрватска која претходно го елиминираше Бразил.