Американското Министерство за правда покрена истрага за смртта на тинејџер од Вашингтон, кој бил застрелан од полицаец. Даланео Мартин (17) на 18 март спиел во украдено паркирано возило кога полицијата дошла, ја отворила вратата и се обидела да го приведе.

На снимката од камерите на униформите на полицајците се гледа како полицајците се прикрадуваат во автомобилот со намера да го уапсат насилникот. Осомничениот се разбудил и се обидел да се оддалечи со автомобилот, иако полицаецот веќе бил на задното седиште.

USPP releases body worn camera footage from March 2023 officer involved shooting

A word of caution: this video of an officer involved shooting contains graphic content and strong language. Viewer discretion is advised. pic.twitter.com/01PLiLaIKD

— Killmoenetwork inc. (@Killmoenetwork) April 4, 2023

Полицаецот му наредил на малолетникот да го запре автомобилот, а потоа го застрелал одзади. “Застани. Застани или ќе пукам!” му рекол полицаецот на 17-годишникот неколку секунди пред да пука неколку пати од огненото оружје, пишува Би-Би-Си.

На снимката се гледа како автомобилот удира во куќата неколку секунди подоцна, а полицајците на предниот тревник му пружаат прва помош на тинејџерот. Полицајците велат дека од автомобилот бил изваден пиштол.

Министерството за правда соопшти дека се работи за „трагичен и вознемирувачки случај“ и изрази сочувство до семејството и пријателите на убиениот 17-годишник. Претседателот на американскиот синдикат на полицијата во паркот ги бранеше постапките на полицаецот.

„Постоеше легитимна, законска причина полицаецот да биде во автомобилот, а употребата на сила беше исто така оправдана. Синдикатот стои зад дејствијата што ги презема полицијата“, изјави Кенет Спенсер за „Вашингтон пост“. Мајката на убиениот тинејџер Тера Мартин побарала полицаецот кој го застрелал нејзиниот син да биде отпуштен и кривично да се гони на суд.