„Victoria’s Secret“ со нов градник за мастектомија: Заедно со Стела Макартни во борба против ракот на дојка
„Victoria’s Secret“ лансира нова линија на градници за мастектомија во заедно со модната дизајнерка Стела Макартни во кампања за борба против ракот на дојка овој октомври.
Градникот е дел од пошироката кампања за овој октомври кој е месец за свесност за ракот на дојка. Кампањата има за цел да зборува за знаците на препознавање и ризиците за развивање на рак на дојка.
Во моментов „Victoria’s Secret“ се ребрендира, обидувајќи се да допре што поголем број и тип на жени преку нивната облека.
View this post on Instagram
Според статистиките на марката, скоро 1 од 8 жени во САД развиваат инвазивен рак на дојка во текот на нивниот живот, а околу 85% од појавите на рак на дојка се случуваат кај оние кои немаат фамилија со семејна историја која ја вклучува оваа болест.
Кампањата ги мотивира „оние со гради“ редовно да се проверуваат за било какви рани знаци на рак на дојка и да пријават секакви абнормалности на својот здравствен работник.
View this post on Instagram
Градникот за масектомија на „Victoria’s Secret“ носи име „Body by Victoria Mastectomy“ и ќе биде достапен во две бои, црна и беж. Специјално е дизајниран за оние со рак на дојка и е направен без фишбан, од мек материјал, со откопчувања од напред и од позади, и вклучува џепче во внатрешната постава во кое може да се вметне простетика, пишува прес објавата на брендот.
View this post on Instagram
Овој месец октомври градникот ќе биде достапен за само 10 долари, а сто проценти од средствата ќе одат во глобалниот фонд на „Victoria’s Secret“ за Рак кај Жените за да го подржат истражувањето.
„Имаме уникатна можност, но исто така и одговорност, да ја користиме нашата платформа и големината и можноста да оставиме печат на глобално ниво за да донесеме поголема свестност за ризиците од ракот на дојка, особено меѓу помладите жени, и да едуцираме за ефективноста на личните проверки“, изјави маркетинг директорот на „Victoria’s Secret“, Марта Пис.
View this post on Instagram
Градникот се пласира во период кога брендот се повлече од маркетингот кој вклучуваше манекенки и супермодели со совршена фигура, и се пренасочи кон опфаќање поширока публика на жени. Брендот е во фаза на реновирање на повеќе од 1400 продавници отфрлајќи ги досега препознатливите розева боја и нереалистични манекини, и целејќи кон пореалистичен и пристапен изглед.
Градникот е создаден во соработка со фондацијата „Stella McCartney Cares“, која се бори за рана детекција и превенција на ракот на дојка, а е создадена во име на мајката на Стела, Линда Макартни, која почина од рак на дојка во 1998 година.
View this post on Instagram
View this post on Instagram