Весли Снајдер потпиша за Утрехт и веднаш се пензионира
Поранешниот холандски репрезентативец, Весли Снајдер на 35 години одлучи да стави крај на богата фудбалска кариера. Тој тоа го направи на невообичаен начин, потпиша со тимот од родниот град, Утрехт за кој нема ниту еден настап и веднаш објави дека заминува во пензија.
– Мојата љубов кон градот Утрехт е голема. Често зборувавме за можноста да дојдам тука, а сега го ставивме тоа на хартија – изјави Снајдер.
✍ 134-voudig International @sneijder101010 tekende een contract in @Galgenwaard030
De geboren Utrechter zal dit seizoen de thuiswedstrijden bekijken vanuit zijn eigen skybox en treedt hiermee toe tot de FC Utrecht Business Club.
Lees hier meer ?https://t.co/kf4VFP48MQ
— FC Utrecht (@fcutrecht) August 12, 2019
Кариерата на Снајдер започна во Ајакс, а потоа настапуваше и за Реал Мадрид, Интер, Галатасарај, Ница и Ал-Гарафа. Најубавите фудбалски моменти ги имаше во Интер за кого играше во периодот од 2009 до 2013 година кога триумфира во Лигата на шампионите.
Весли има рекордни 134 настапи за репрезентацијата на Холандија со 134 настапи.