Велика Британија денес со нови 9.000 заболени од индискиот сој на ковид-19
Во Велика Британија денес се забележани нови 9.284 заболени од ковид-19 и 6 починати. Иако бројот на заразени е помал во споредба со бројот на заболени од изминатите неколку дена, сепак во Бртианија во последниве недели продолжува трендот на раст за бројот на болни со делта сојот на коронавирусот, кој за првпат е детектиран во Индија.
Во Лондон, во текот на викендов, како што известува ХИНА, продолжува масовната вакцинација, бидејќи Владата настојува да ја забрза програмата за имунизација со што би се ограничило ширењето на индискиот сој.
Во Англија секој постар од 18 години може да се пријави за вакцинирање против ковид-19. Владата соопшти дека до сега со една доза се вакцинирани 81,6 отсто од возрасното население, а 59,5 отсто примиле две дози на вакцина.
Премиерот Борис Џонсон минатата недела рече дека укинувањето на локдаунот е одложен за 19 јули, за да што повеќе луѓе се вакцинираат со што би се намалил ризикот за преоптоварување на здравствениот систем во земјата.