Емотивна приказна за Калиопи од времето на нивните почетоци како двојка сподели Васил Зафирчев.

Калиопи и Зафирчев беа во брак седум години, од 2004 до 2011 година, и останаа пријатели по разводот.

„На денешен ден, 18 февруари 2004 година. Промоција на дуетот ‘Пурпурни дождови’ на ‘Златна бубамара на популарноста’“, напиша актерот на Фејсбук завчера и сподели заеднички слики од овој настан, кога за првпат со Калиопи ја запеа оваа впечатлива балада. Тие се венчаа брзо по нејзината промоција.

„И сега делиме секојдневие. И живот. Со заемна љубов, почит и поддршка. Од бракот со Калиопи научив дека во љубовта најважно е пријателството. А јас, дали сум вљубен… Јас сум лесно вљублива природа. Затоа, секогаш сум исполнет“, рече Зафирчев во едно интервју за „Слободен печат“ и додаде:

„Немам никаков страв од староста, сѐ додека е будно детето во мене. Се негувам, пред сѐ, со добра и убава мисла, со редовна физичка активност и здрава исхрана. Тоа е основата за добро физичко и ментално здравје, неопходни за какви било животни и творечки предизвици“.

Васил е редовен гостин на речиси сите концерти на Калиопи во Скопје, а таа секогаш го поздравува од сцената како специјален гостин и му заблагодарува за поддршката.

Интервју со Васил Зафирчев: Со Калиопи и денес го делиме секојдневието и љубовта