Во петок ќе се сретнат Холандија и Аргентина во вториот натпревар од четвртфиналната фаза на Мундијалот.

Овој натпревар ќе биде и реприза на полуфиналето кое го одиграа овие две репрезентации пред осум години на Светското првенство во Бразил. На тој натпревар на пенали победи Аргентина.

Луј Ван Гал сега се надева дека со „лалињата“ ќе може да се одмазди за тој пораз во Бразил каде што исто така Аргентиците ги предводеше Лионел Меси. Ван Гал тврди дека има план како да го запре Меси.

„Дефинитивно Меси е најопасниот креативен играч. На фантастичен начин знае да постигнува голови и да создава шанси за своите соиграчи. Но, кога Аргентина ќе ја изгуби топката не помага многу во одбраната и тука ја гледаме нашата шанса“, изјави Ван Гал.

Еден од новинарите директно го праша Ван Гал како ќе го запре Меси.

„Сите ќе видите во петок“, кратко одговори холандскиот стратег.

Аргентина и Холандија својот натпревар го играат во терминот од 20:00 часот.