Денеска во 26 коло од најсилното шпанско фудбалско првенство екипата на Валенсија на домашен терен со 1:0 ја совлада Осасуна.

Стрелец на единствениот гол на мечот на стадионот Местаља во Валенсија беше белгискиот интернацицоналец Ларжи Рамазани од пенал во 67 минута.

Македонскиот репрезентативен голман Столе Димитриевски го одигра целиот меч за Валенсија и не дозволи ниту еднаш да биде затресена неговата мрежа.

Ова е важен триумф за Валенсија во борбата за опстанок во Ла Лига, моментно е на 14 позиција со 29 бодови, пет повеќе од Мајорка на 18 место која е во опасната зона за испаѓање. Осасуна по 11 пораз сезонава е на 10 место со 33 бодови.

Во следното коло Димитриевски и неговите соиграчи на 8 март ќе го пречекаат составот на Алавес кој моментно е на 16 место со 29 бодови.