Вака се сака клубот: Фановите на Динамо Дрезден со овации ги поздравија фудбалерите кои испаднаа од Втората лига (ВИДЕО)
Славниот германски тим во наредната сезона ќе настапува во третата германска лига.
Иако имаа теоретски шанси во пресрет да последното коло да останат во втората лига, ремито против Оснарбик (2:2) го однесе Динамо Дрезден во понизок ранг на натпреварување.
Фудбалерите беа во шок по ремито и за тоа ги обвинија челниците на лигата и на германската фудбалска федерација кои им наложија да одиграат дури седум натпревари за само 18 дена.
Но, неколку илјади навивачи се собраа пред стадионот на Динамо Дрезден за да ги поздрават своите фудбалери и да им се заблагодарат на трудот кој го вложија за да останат во „Цвајта“.
Dresden ist eben anders ?✊ #SGDOSN #sgd1953 pic.twitter.com/IciOGHhHyO
— SG Dynamo Dresden (@DynamoDresden) June 28, 2020
Dynamo Dresden has been relegated to the 3. Liga today. Thousands of supporters then waited for their players … Not to get mad at them, but to thank them for their commitment this season ???? pic.twitter.com/WogiLgvXnn
— Casual Ultra (@thecasualultra) June 28, 2020
Навивачите не упатија ниту една навреда или пцовка кон фудбалерите туку со песна им дадоа поддршка и ветија дека ќе бидат со нив и во наредната сезона.
Динамо Дрезден беше во подредена ситуација во однос на останатите екипите од втората лига бидејќи пред рестартот на „Цвајта“ поминаа 14 дена во карантин поради што пропуштија три натпревари. Поради тоа беа приморани да играат седум натпревари за 18 дена и тоа ритам не можеа да го издржат и на крајот ги чинеше испаѓање од лигата.
