Неколку фотографии на BMW Series 8 Gran Coupe, моделот за 2020 година, „протекоа“ на интернет во пресрет на премиерата на моделот, која е закажана за крајот на месецот. Од нив можете да го видите изгледот на автомобилот, како и дел од внатрешноста.

На предниот дел можете да се забележат веќе познатите фарови и решетката на ладнилникот, како и отворите за вентилација од страна. Како целина, повеќето од стандардните купе елементи исто така се испорачани во новата верзија, која доби и поголемо растојание меѓу двете оски покрај дополнителните задни врати.

Добро се забележуваат и страничните прагови и косиот покрив, вградениот заден спојлер, тенкото задно светло и издувениот систем со две дупли цевки.

Сликата од ентериерот е делумна, но сосема е логично да се сугерира дека Series 8 Gran Coupe ќе добие управувач со три краци, 12,3-инчен дигитална инструмент-табла и 10,25-инчен забавен систем. Ќе има метални акценти кои се комбинирани со скапа кожа.

Моќните единици ќе бидат истите, како постојните купе и кабриолет верзии. Тоа значи дека новиот модел ќе се потпира на 6-цилиндричен дизел со капацитет од 3,0 литри, развивајќи 320 КС и 680 Nm, како и новиот 4.4-литарски V8 бензински мотор со две турбини, кој нуди 530 КС и 750 Nm. Додека M-верзијата ќе биде со истиот 4.4-литарски V8 со 600 КС во стандардната верзија и со 625 КС во верзијата Competition.