Успешни прегледите, Интер ќе го промовира Ериксен! (ФОТО)
Се очекува новото зимско засилување со клубот од Милано да потпише договор до лето 2024 година, а вредноста на трансферот се проценува на 20 милиони евра!
Уште од претходно се најавуваше заминувањето на данскиот интернационалец од редовите на Тотенхем, денеска се потврди дека се наоѓа пред голем трансфер во Интер.
Кристиан Ериксен кој во изминатите сезони важеше за еден од клучните играчи на Тотенхем, иако во меѓувреме на клупата седна новиот менаџер Жозе Мурињо, сезонава во Премиер лигата (20 натпревари, два голови) немаше голема минутажа поради шпекулациите за негов трансфер на „Џузепе Меаца“.
Како што информираат италијанските медиуми, Данецот успешно ги помина лекарските прегледи.
All medicals are done, now #Eriksen is in the hotel and will go very soon to #Inter's HQ for ✍??️ until 2024. pic.twitter.com/pCsFHFeWPw
— Enjoy Eriksen (@EnjoyInter) January 27, 2020
Се очекува новото зимско засилување со клубот од Милано да потпише договор до лето 2024 година, а вредноста на трансферот се проценува на 20 милиони евра!
Според италијанскиот „Скај“, во вторник се очекува миланските „неро-аѕури“ ќе го промовираат новото зимско засилување.
27-годишниот играч за врска во нападот од 2013-та имаше вкупно 225 натпревари и 51 гол за лондонскиот клуб. Беше финалист во англискиот Лига куп и минатата сезона во Лигата на шампионите.
Својата кариера ја започна во екипата на холандскиот клуб Ајакс со кој успеа трипати да ја освои холандската фудбалска лига и еднаш националниот куп.