Компанијата Мишелин во својот гастрономски водич за 2023 година вклучи уште три ресторани од Белград, а сега на листата има вкупно 17.

Од следната година, Метрополитен Грил, лоциран во близина на Музејот на современа уметност, Скај Лоунџ и Вингт-До, сместени на десеттиот кат од хотелот Метропол, најдоа место во Водичот на Мишелин. Покрај овие три нови адреси, во него и следната година ќе останат сите ресторани кои најдоа место во овогодинешниот водич на Мишелин, објави Данас рс.

„И покрај тешкотиите предизвикани од ковид19 за угостителството и меѓународниот туризам, Белград ја покажа својата приспособливост и продолжува да оди напред. Нашите тимови на инспектори беа воодушевени од висококвалитетните јадења кои се служат во препорачаните ресторани, со кулинарска понуда која се карактеризира со модерност и разновидност, но и фокусирање на локалните кулинарски традиции“, изјави Гвендал Пуленек, меѓународен директор на Мишелин водич.

Изборот на ресторани за 2023 година препорачан од водичот на Мишел за Белград е достапен бесплатно на веб-страницата и во апликацијата, а заедно со овие препораки Водичот содржи и, како што се наведува во соопштението на компанијата, избор на хотели.