По завршувањето на натпреварот од второто квалификациско коло во Конференциската лига, Европската фудбалска унија (УЕФА) се очекува да поведе дисциплинска постапка против Шкупи и Левски за инцидентите поврзани со синоќешниот дуел одигран во Скопје на Националната арена „Тодор Проески“.

Овој меч го следеа 6,000 гледачи, а според најавите на нашиот најголем стадион се очекуваа околу 1,000 бугарски фанови да присуствуваат на трибините како поддршка за Левски.

Поради дискриминаторско скандирање од страна на навивачките групи на двете страни се очекува Дисциплинското тело на УЕФА да отвори истрага, поради што на средина од второто полуврее беше издадено официјално предупредување на Арената во Скопје натпреварот може да биде прекинат доколку се продолжи со таквото скандирање.

За време на овој меч беа користени факели и други недозволени пиротехнички средства што е во спротивност со правилникот на УЕФА.

По повод овој натпревар беа одбележани и инциденти надвор од теренот. Реваншот помеѓу Левски и Шкупи ќе се игра на 3 август во Софија од 19.00 часот по локално време.

Еден навивач на Левски прободен со нож, деветмина се приведени по инцидентот во Чаир

ВИДЕО: Инцидент на мечот Шкупи -Левски, уапсени бугарски навивачи