Саиф ел-Ислам Гадафи, син на поранешниот либиски лидер Моамер Гадафи, е убиен, изјави денеска за „Ал Арабија“ извор близок до семејството Гадафи.

Изворот вели дека четворица напаѓачи го застрелале Саиф ал-Ислам во неговата градина, а потоа избегале од местото на настанот.

Изворот додаде дека не е веднаш јасно кој е одговорен за убиството.

Либиската државна новинска агенција ЛАНА, исто така, ја објави неговата смрт, повикувајќи се на неговиот советник, Абдула Отман.

Саиф ал-Ислам долго време се сметаше за наследник на неговиот татко. Во 2021 година, тој објави дека ќе се кандидира за претседател, но изборите беа одложени на неодредено време.