Македонскиот шампион Струмица со пораз го започна настапот во Лигата на шампиони, откако вечерва во СЦ „Јане Сандански“ во Скопје беше совладан од романскиот Динамо Букурешт со убедливи 0-3 во сетови (18-25, 20-25, 19-25).

Избраниците на Струмица тешко се носеа со темпото на гостите уште од самиот почеток, па првиот сет им припадна на Романците со 25-18. Во вториот дел, Динамо целосно ја контролираше играта и во еден момент имаше предност од осум поени (17-9), по што без поголеми проблеми го доби и овој сет со 25-20.

Ниту третиот сет не донесе поинаква слика, Струмичани постојано беа во негатива, додека Динамо сигурно го одржуваше водството и на крајот триумфираше со 25-19, за конечни 3-0.

Реванш натпреварот меѓу двата тима е закажан за 28 октомври со почеток во 18 часот во Букурешт.

Преземено од: Спорт.ком.мк