Германската полиција соопшти дека привела двајца навивачи по судирите меѓу приврзаниците на Кристал палас и Рајо Ваљекано во Лајпциг, во пресрет на вечерашното финале во Лига на конференции.

Откако на социјалните мрежи се појавија видеоснимки од масовната тепачка меѓу двете навивачки групи, локалната полиција потврди дека се извршени две апсења, а на сите лица вмешани во инцидентите им било наредено да го напуштат подрачјето.

Во нередите полесно биле повредени и двајца полицајци.

Според информациите на германските власти, за време на судирите биле фрлани шишиња, пивски чаши и делови од инвентар, откако околу 300 навивачи на шпанскиот клуб налетале на фанови на Кристал палас кои седеле пред еден ресторан.

Полицијата интервенирала и во друг инцидент, кога група од околу 60 навивачи на премиерлигашот ги провоцирала симпатизерите на Рајо Ваљекано. Финалето во Конференциската лига се игра вечерва од 21:00 часот.

ВИДЕО | Хаос во Лајпциг: Се степаа хулиганите на Кристал палас и Рајо Ваљекано