Уапсен е напаѓачот кој влезе во студиото на „Инфомакс“ за време на емисијата во живо, соопшти полицијата додавајќи дека се утврдило оти станува збор за психијатриски случај.

Детали за упадот во „Инфомакс“: „Кој си ти да го навредуваш премиерот?“, му рекол вандалот на Мечка и го гаѓал со чаши

Полицијата потврди дека уапси 43-годишен скопјанец со иницијали Г.С. веднаш по пријавата што ја поднел новинарот Александар Митевски. Тој пријавил во полиција дека во редакцијата на порталот „Инфомакс“ на улицата „Востаничка“ влегло машко лице додека траела емисијата во живо.

Напаѓачот оштетил две врати и го попречил емитувањето на програмата, во која гостувал поранешниот градоначалник Стевче Јакимовски, а во студиото биле присутни и водителот Милош Милошевски и камерман.

„Подоцна е утврдено дека станува збор за лице со здравствени проблеми, кое претходно било спроведувано во Психијатриска болница Бардовци. По целосно расчистување и документирање на случајот, против Г.С. ќе биде поднесена кривична пријава по брза постапка. Министерството за внатрешни работи и во иднина брзо и неселективно ќе ги санкционира сите случаи на напади на новинари или друго нарушување на јавниот ред и мир и против сторителите ќе бидат поднесени соодветни пријави“, информираа од МВР.

ВИДЕО | Упад во живо на Инфомакс, насилник влегол во студиото и почнал да крши и да ги навредува новинарите